Netëve të metropolit,

nëpër tryeza lokalesh,

mijëra çifte përkulur

mbi filxhana dhe gota,

luajnë role në drama,

dhe filma të jetës reale,

me metrazhe të shkurtër,

apo seriale të plota.

 

Puthjet e pakursyera

të skenave dashurore,

lënë gjurmë të turbullta

me fshirje të shpejta,

si në serviset prej qelqi,

ku shenjat hetimore,

zhduken te lavamanët

ku rrjedhin çezmat.

 

Dhe ndodh premtimet

nuk arrijnë funde gazmore,

ndonëse personazhet

betohen te altari me gota.

Po të mos luanin shumica

tragjiken jetësore,

mund të ndriçohej

nga dy diej bota.